Այսօր՝ ապրիլի 4-ին, խոշոր ավտովթար է տեղի ունեցել Սյունիքի մարզում։ Ժամը 13։10-ի սահմաններում Գորիս-Խնձորեսկ ավտոճանապարհին, Գորիսի վարչական տարածքում բախվել են Mercedes և VAZ 2107 մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով կան վիրավորներ, որոնց առաջինն օգնության են հասել քաղաքացիները և օպերատիվորեն ժամանած ՀՀ ներքին գործերի նախարարության Փրկարար Ծառայության Սյունիքի մարզային փորկարարական վարչության թիվ 55 հրշեջ-փրկարարական ջոկատի փրկարարներն ու ՀՀ ՆԳՆ Ոստիկանության Ճանապարհային ոստիկանության 2-րդ սպայական գումարտակի 6-րդ վաշտի 2-րդ դասակի ծառայողները։
Օպերատիվ են գործել նաև Գորիսի հիվանդանոցի շտապօգնության բժիշկների հերթապահ խումբը։
Վիրավորներից մի քանիսին ավտոմեքենաներից դուրս են բերել փրկարարները և պատգարակներով մոտեցրել շտապօգնության ավտոմեքենաներին։ Բժիշկները վիրավորներին մինչև հիվնանդանոց տեղափոխելը, տեղում առաջին բուժօգնությունն են ցուցաբերել։
Վթարի փաստով քննչական բաժնում նախաձեռնվել է վարույթ։
Ոստիկանությունն ու քննչական բաժինը պարզում են վարորդների և վիրավորների թիվն ու ամբողջական տվյալները։
Քննիչի հանձնարարականով՝ ավտոմեքենաները տեղափոխվում են Ոստիկանության Գորիսի բաժնի պահպանվող հատուկ տարածք։
