Այսօր՝ մարտի 15-ին, խոշոր ավտովթար է տեղի ունեցել Գեղարքունիքի մարզում։
Ժամը 19:30-ի սահմաններում՝ 25-ամյա Կարեն Աղաջանյանը իր վարած Opel Astra մակնիշի ավտոմեքենայով Երևան-Իջևան ավտոճանապարհի 78 կմ հատվածում, դեպի Երևան ընթանալիս, դեռևս անհայտ հանգամանքներում, դուրս է եկել երթևեկելի գոտուց, բախվել հողաթմբերին ու քարերին, ապա կողաշրջվել և մասամբ հայտնվել ճանապարհի մեջտեղում։
Ինչպես դեպքի վայրից հայտնում է ֆոտոլրագրող Գագիկ Շամշյանը՝ վթարի հետևանքով Կ․ Աղաջանյանն ու նրա ուղևոր 24-ամյա Գ․ Հ․-ն օպերատիվորեն դեպքի վայր ժամանած Սևանի բժշկական կենտրոնի շտապօգնության բժիշկների կողմից նախ տեղում առաջին բուժօգնությունն են ստացել, ապա շտապօգնության ավտոմեքենայով տեղափովել Սևան բժշկական կենտրոն։
Վիրավորներին, մինչև շտապօգնության ժամանումը, առաջին բուժօգնություն են ցուցաբերել վթարի հարևանությամբ գործող «Սեմոյի մոտ» ռեստորանային համալիրի աշխատակիցները։
Ժամանել են նաև ՀՀ ՆԳՆ փրկարար ծառայության Սևանի թիվ 32 հրշեջ-փրկարարական ջոկատից 1 մարտական հաշվարկ։
Տեղում տարածքը սահմանազատել և հերթապահություն են իրականացնում նույն վաշտի ավագ պարեկ Վարուժան Խուդավերդյանն ու պարեկ Սուրիկ Շահինյանը։
Վթարի փաստով Սևանի քննչական բաժնում նախաձեռնվել է վարույթ։
