Հայաստանի Հանրապետության եւ Ասիական բանկի միջեւ ստորագրված վարկային համաձայնագրով (60 միլիոն, 90 հազար եվրոյի չափով) կկառուցվի Իսակով-Արշակունյաց ճանապարհ։
«Այս ճանապարհահատվածը կհանդիսանա Մոնթե Մելքոնյան փողոցի տրամաբանական շարունակությունը։ Հիմնական ճանապարհի երկարությունը 1.9 կմ է լինելու, իջատեղերով եւ երկրորդային ճանապարհներով այմ կկազմի 6.6 կմ։ Ճանապարհը հիմնականում բաղկացած կլինի 6 երթևեկելի գոտուց»,- Կառավարության նիստում հայտնեց ՏԿԵ փոխնախարար Քրիստինե Ղալեչյանը։
Երեւանի քաղաքապետ Տիգրան Ավինյանը հայտնեց, որ բացի բեռնաթափումից, ճանապարհը որոշակի հնարավորություններ կստեղծի Նորագյուղի նոր հայեցակարգի համար։
Վարչապետ Փաշինյանն իր հերթին նշեց, որ Երեւանի ծանրաբեռնվածությանը զուգընթաց բնապահպանական խնդիրները նույնպես կարեւոր են. «Այս առումով ուզում եմ հիշեցնել, որ երկու ծրագիր կա, որի վերբերյալ ես հանձնարարականներ եմ տվել, մեկը՝ Դալմայի այգիները մեծ քաղաքային զբոսայգու վերածելն է եւ Հրազդանի կիրճը ռեկրեացիոն գոտի դարձնելու նախագիծն է»,- ասաց վարչապետը։
