Հունաստանի գիտնականները սարսափելի կանխատեսում են արել ավելի քան 8 բալ ուժգնությամբ հնարավոր երկրաշարժի հավանականության մասին, ինչպես նաև նշել են տեկտոնական ակտիվության բարձր մակարդակ ունեցող շրջանները։
Ըստ պրոֆեսորներ Կոնստանտինոս Սինոլակիսի և Կոստաս Փափազակոսի, համեմատելով Թուրքիայում և Սիրիայում սեյսմիկ ակտիվությունը, նրանք եկել են այն եզրակացության, որ իրավիճակները նման են։
Հունաստանում 600-800 տարին մեկ անգամ խոշոր երկրաշարժեր են տեղի ունենում, հիշեցնում են նրանք։ Այժմ երկիրը գտնվում է 8,5 բալանոց աղետի «շեմին», ասել է Սինոլակիսը: Պատճառը, ինչպես Թուրքիայում, կարող է լինել երկար ժամանակ կուտակված տեկտոնական ակտիվությունը։ Իսկ կանխատեսված մագնիտուդը հուշում է, որ բառացիորեն ամեն ինչ կարող է ոչնչանալ։
Գործընկերոջ խոսքերը հաստատել է Սալոնիկի Արիստոտել համալսարանի սեյսմոլոգիայի պրոֆեսոր Փափազակոսը։ Նա չի նշել աղետի ստույգ ժամանակը, սակայն խորհուրդ է տվել երկրի իշխանություններին նախապես նախապատրաստվել դրան։
Իր հերթին, սեյսմոլոգ Ֆրենկ Հյուգերբիթսը, ով Թուրքիայում երկրաշարժ էր կանխատեսել, վստահ է, որ սեյսմիկ ակտիվության ժամանակը դեռ չի անցել։ Փետրվարի 2-ին հրապարակված տվյալների համաձայն՝ SSGEOS-ի՝ երկնային մարմինների փոխազդեցության երկրաչափությունը և սեյսմիկ ակտիվության վրա դրա ազդեցությունը հետևելու գիտահետազոտական ինստիտուտը, հայտարարել էր աղետի կոնկրետ ժամանակի մասին:
Այսպիսով, հաղորդվել էր, որ փետրվարի 4-ից 6-ը կարող է տեղի ունենալ սեյսմիկ իրադարձություն՝ 6 բալից ավելի ուժգնությամբ։ Սոցցանցում Հուգերբիթսը նշել էր տարածաշրջանները՝ Հարավային և Կենտրոնական Թուրքիա, Հորդանան, Սիրիա, Լիբանան։
Հետազոտողի խոսքերն հաստատվել են Թուրքիայում և Սիրիայում տեղի ունեցած բնական աղետներով։
SSGEOS-ի վերջին կանխատեսումների համաձայն՝ սեյսմիկ ակտիվության նոր փուլ կարող է տեղի ունենալ փետրվարի 20-ից 22-ը, Հուգերբիթսը ժամկետն ավելացնում է 2-3 օրով։
Հայտնի չէ, թե կոնկրետ որտեղ դա տեղի կունենա, սակայն թուրք սեյսմոլոգ Դոգան Փերինչեքը կարծում է, որ դա կլինի Մարմարա ծովի ափը, ավելի ճիշտ՝ Չանաքքալե նավահանգստի մոտ գտնվող տարածքը, որտեղ 250 տարին մեկ երկրաշարժ է տեղի ունենում։
Երկրորդ հավանական կետը կարող է լինել Թուրքիայի մայրաքաղաք Ստամբուլը՝ 7 և ավելի բալ ուժգնությամբ։
