SHAMSHYAN.com-ի տեղեկություններով՝ Հայաստանի քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Արամազդ Հարությունյանի կողմից նախաձեռնված վարույթի շրջանակներում պարզվել է երեկ՝ դեկտեմբերի 4-ին, Բարեկամության էստակադայի վրա բախված ավտոմեքենաների և մոդեպի վարորդների ինքնությունը։
Ինչպես հայտնում է ֆոտոլրագրող Գագիկ Շամշյանը, պարզվել է՝ Piloyan համարանիշով BMW-ն վարել է Երևանի բնակիչ՝ 25-ամյա Նորայր Փիլոյանը, Opel-ը վարել է Երևանի բնակիչ՝ 65-ամյա Վալոթ Շերամիին, իսկ Hayasa մոպեդը վարել է Երևանի բնակիչ՝ 19-ամյա Գևորգ Շախոյանը։
Գ. Շամշյանի տեղեկություններով՝ Piloyan համարանիշներն օրինական են, իսկ հիվանդանոց տեղափոխված մոպեդավարն աշխատում է Menu.am-ում՝ որպես վարորդ։
Ինչպես ավելի վաղ դեպքի վայրից հայտնել էր ֆոտոլրագրողը, դեկտեմբերի 4-ին մոպեդի և ավտոմեքենաների բախում էր տեղի ունեցել Երևանում։ Ժամը 20։00-ի սահմաններում Կասյան փողոցում՝ Բարեկամության էստակադայի վրա, բախվել էին BMW մակնիշի Piloyan համարանիշի ավտոմեքենան, Opel-ը և Hayasa մակնիշի մոպեդը։
Ինչպես դեպքի վայրից հայտնել էր ֆոտոլրագրողը, բախման հետևանքով մոպեդը կողաշրջվել էր, մոպեդավարն էլ մարմնական վնասվածքով տեղափոխվել էր «Արմենիա» ԲԿ։
Վիրավորին առաջինն օգնության էին հասել BMW-ի և Opel-ի վարորդները և օպերատիվորեն ժամանած շտապօգնության բժիշկների հերթապահ խումբը։
Բժիշկները վիրավորին մինչև հիվանդանոց տեղափոխելը տեղում առաջին բուժօգնություն էին ցուցաբերել։
Վթարի մասին Պարեկային ծառայության Երևանի գնդից տեղեկությունը փոխանցել էին Հայաստանի քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժին, որտեղից ժամանել էր քննչական խումբը` բաժնի պետ Գոռ Թադևոսյանի, քննիչ Արամազդ Հարությունյանի գլխավորությամբ։
