MediaArm.am «Գեղարքունիկում Հայաստանի սահմանի մեջ ադրբեջանցիները ինտենսիվ ինժիներա-տեխնիկական աշխատանք են տանում. տռակտորներով փորում են այսպիսի խրամատներ, մոտեցնում ծանր նաև ռազմական տեխնիկա», իր ֆեյսբուքյան էջում գրել է լրագրող Նարինե Կիրակոսյանը:
«Հետաքրքիր է էս ամենը կանգնելո՞ւ է։ Եվ ցավոք, ոչ մի բնապահպան չի խոսում այս մասին։ Այնինչ բերրի հողի շերտը վնասելը քրեական օրենսգրքով է պատժվում։ Իսկ թշնամին կիլոմետրերով է ավիրել մեր երկրի լանդշաֆտների բերրի հողաշերտերը»:
Լրագրողը նաև տեսանյութեր է հրապարակել և գրել.
«Ես չեմ վախեցել այս ճանապարհով գնալ դեպի Մեղրի, դուք էլ մի վախեցեք քարոզը առաջնագիծ դարձած վայրերում նաև տանել։ Տեսնում եմ քարոզարշավի մեկնարկին շատ ընտրություններին մասնակցող քաղաքական ուժեր Սյունիքից են սկսել։ Մի քանիսի մոտ տեսա, որ Քաջարան քաղաքի մոտից են դեպի Մեղրի-Ագարակ շարժվել, այնինչ կուզեյի, որ Ճակատեն, Շիկահողի կողմից գնային։ Դա Կապանի օդանավակայանից ձախ, չմտած Կապան քաղաք ճանապարհն է, որտեղ եկել նստել են ադրբեջանցիները։ Կասե՞ք վտանգավոր է․․․ Բա ես ինչի՞ չեմ վախենում էդտեղով գնալ։ Կամ դուք չեք ուզում այդտեղի գյուղացուն տեսնել ու հարցնել, բա ո՞նց եք թուրքի կողքին յոլա գնում։ Ասեմ իմանաք, որ ներկա վարչախումբը՝ անցյալ, ներկա ու "ապագա" նիկոլը արդեն էդ կողմերի մարդկանց էլ են կաշառում։ Ի դեպ պետական, մեր գրպանից բյուջեն լցրած գումարներով։ Եվ ասածս մանրուք չի, այլ իրականությունը վերլուծած լավ խորհուրդ եմ տալիս։ Գոնե հետ գալուց այդ ճանապարհով ետ եկեք։ Կանգնեք առաջնագիծ դարձած գյուղերում մարդկանց հույս տվեք, որ բան եք փոխելու»:
